काठमाडौँ । यो साता सेयर बजारमा उत्साहजनक वृद्धि भएको छ । ४ दिन मात्रै कारोबार भएको नेप्से परिसूचकमा ११२.७७ अङ्कको वृद्धि आएको हो । यो साता आइतबारदेखि बुधवारसम्म मात्रै कारोबार भयो । यो साढे ५ प्रतिशतको वृद्धि हो ।
आइतबारदेखि नै उत्साहजनक वृद्धि आउँदा नेप्से परिसूचक साताभरमा २१३१ अंकमा पुगेर रोकिएको छ । गत साताको बिहीबार परिसूचक २०१८ अंकमा पुगेर रोकिएको थियो । त्यसयता निरन्तर बढेको नेप्से परिसूचक १०० अङ्कभन्दा बढीले उकालो लागेको हो ।
आइतबार ४५.६९ अंकले बढेको नेप्से सोमबार २७.५४ अंकले बढ्यो । यस्तै मङ्गलवार २३.९४ अंकले बढ्दा बुधवार १५.५४ अङ्कको वृद्धि रह्यो । यो एकै सातामा आएको उच्च अङ्कको वृद्धि हो । सबै दिन उच्च अङ्कको वृद्धि हुँदा कारोबार रकम समेत ५ अर्ब रुपैयाँभन्दा माथि रह्यो ।
आइतबार ५ अर्ब २० करोडको कारोबार हुँदा सोमबार ५ अर्ब ८३ करोडको कारोबार भएको नेप्सेले जनाएको छ । यस्तै मंगलबार ५ अर्ब १६ करोड र बुधवार ५ अर्ब ६६ करोडको कारोबार भएको थियो । समग्रमा यो साता नेप्सेमा २१ अर्ब ८५ करोड रुपैयाँभन्दा बढीको कारोबार भयो ।
जबकि गत साताको ५ दिनमा १५ अर्ब ५० करोड रुपैयाँभन्दा माथिको कारोबार भएको थियो । यो साता ४ दिन मात्रै कारोबार हुँदा पनि गत साताको तुलनामा ४ अर्बभन्दा बढीको कारोबार भयो । नेप्से परिसूचक ११२ अङ्कभन्दा बढीले बढेसँगै पुँजीकरण समेत बढेको छ ।
गत साता ३२ खर्ब १ अर्ब रुपैयाँ रहेको नेप्से पुँजीकरण ५ प्रतिशतले बढेर ३३ खर्ब ७९ अर्ब रुपैयाँ पुगेको छ । यो १ खर्ब ७७ अर्ब रुपैयाँभन्दा बढीको वृद्धि हो । अघिल्लो साता नेपाल राष्ट्र बैङ्कले गरेको मौद्रिक नीतिको तेस्रो समीक्षापछि नेप्सेले गति लिन थालेको छ ।
यसबाहेक ब्रोकर कमिसन घटाउन सरकारले गरेको सकारात्मक पहलले समेत बजार बढाउनका लागि योगदान दिएको जानकारहरू बताउँछन् ।
प्रतिक्रिया दिनुहोस
सफल खबर संवाददाता
शनिबार, १२ जेठ २०८१, १२ : ५०
लेखकबाट थप
सम्बन्धित समाचारहरु
१२ अंकले घट्यो नेप्से परिसूचक, ५ दिनमा २२ अंकको गिरावट
नेप्से परिसूचक सामान्य अंकले बढ्यो, साढे १३ अर्ब बढीको कारोबार
२७ सयमुनि झर्यो सेयर बजार
३६.८३ अंकले घट्यो नेप्से, ४ दिनमा १४५ अंकको गिरावट
अन्तिम समयमा ३.८० अंकको वृद्धि भएर बन्द भयो सेयर बजार
सेयर बजारमा पहिरो, इन्डेक्स २७ सयमा झर्याे