'अघिल्लो वर्षको तुलनामा अर्थतन्त्रमा सुधार आयो': राष्ट्रपति पौडेल

काठमाडौं। सरकारले अघिल्लो वर्षको तुलनामा अर्थतन्त्रमा सुधार आएको जनाएको छ ।सरकारको वार्षिक नीति तथा कार्यक्रम संसदको संयुक्त बैठकमा प्रस्तुत गर्दै राष्ट्रपति रामचन्द्र पौडेलले अर्थतन्त्र सुधारतिर गएको बताएका हुन् ।

‘अघिल्लो वर्षको तुलनामा अर्थतन्त्रमा सुधार आएको छ । अघिल्लो वर्षको तुलनामा आर्थिक वृद्धिदरमा सुधार आएको छ । लगानीका लागि वातावरण सुधार भएको छ,’ पौडेलले भने, ‘वित्तीय संस्थामा लगानीका लागि पर्याप्त रकम रहेको छ । विदेशी रकमको सञ्चिति बढेको छ ।’

बिजुलीको पहुँच बढेको, विकास र पूर्वाधारको काम पनि वृद्धि भएको राष्ट्रपतिले बताए ।सरकारले मौद्रिक नीति समन्वयको कारण पनि अर्थतन्त्र सुधारतिर गएको दाबी गरेको छ ।धान र कृषिजन्य उत्पादन पनि बढेको दाबी सरकारको छ ।