सप्तरी। राष्ट्रपति रामचन्द्र पौडेलले सप्तरीको प्रसिद्ध शक्तिपीठ छिन्नमस्ता मन्दिरमा मंगलवार बिहान दर्शन तथा पूजा अर्चना गरेका छन् । सप्तरीको छिन्नमस्ता गाउँपालिका ३ मा रहेको धार्मिक एवं पर्यटकीय क्षेत्र छिन्नमस्ता भगवती मन्दिरमा राष्ट्रपति पौडेलले विशेष पूजा गरेका हुन् ।
राष्ट्रपति पौडेललाई सांसद, स्थानीय सुरक्षा अधिकारी, गाउँपालिका अध्यक्ष तथा मन्दिर व्यवस्थापन समितिका पदाधिकारीले स्वागत गरेका थिए ।सो अवसरमा गाउँपालिका अध्यक्ष विधानन्नद चौधरीले राष्ट्रपति पौडेललाई मायाको चिनो प्रदान गरेका थिए।
मन्दिर दर्शनपछि आयोजित समारोहमा पौडेलले छिन्नमस्ता तराइ-मधेशको प्राचीन र ऐतिहासिक शक्तिपीठ भएको बताए । यस्तो पवित्र भूमिमा राष्ट्रको अभिभावकीय रूपमा आउँदा खुसी लागेको उनको भनाइ थियो ।
उनले कोशी-कमला डाइभर्सनको काम सम्पन्न गरेर यो क्षेत्रमा कृषि क्रान्ति गर्न जरुरी रहेको बताए। 'सप्तरी मेरो मुटुमा छ । यो जिल्लाको हरेक कुरामा म साथमा छु', उनले भने ।
प्रतिक्रिया दिनुहोस
सफल खबर संवाददाता
मंगलबार, २७ चैत्र २०८०, १२ : ४६
लेखकबाट थप
सम्बन्धित समाचारहरु
राष्ट्रपति रामचन्द्र पौडेलको युरोप भ्रमण तय
शिक्षकहको तलब मासिकरुपमा भुक्तानी गर्ने सरकारको घोषणा
रक्सौल-काठमाडौँ रेल आयोजनाको लगानी सुनिश्चित गरिने
नीति तथा कार्यक्रम: आउँदो आर्थिक वर्षलाई कृषि लगानी दशक घोषणा गरिने
नीति तथा कार्यक्रम : सहकारी नियमनका लागि छुट्टै नियामक निकाय बनाइने
'अघिल्लो वर्षको तुलनामा अर्थतन्त्रमा सुधार आयो': राष्ट्रपति पौडेल