सुनसरी : बच्चा जन्माई फालेको अभियोगमा एक युवतीलाई प्रहरीले पक्राउ गरेको छ ।
धरान उपमहानगरपालिका–१० नारायन चोक डेरा गरी बस्ने इनरुवा डुम्राहा की १९ वर्षीया अस्मिता चौधरीलाई प्रहरीले पक्राउ गरेको हो ।
शौचालयको छेउमा सोमबार उनले जन्म दिएको नवजात शिशु मृत अवस्थामा फेला परेको थियो । चौधरीले नै शिशु जन्माई उक्त स्थानमा फालेको खुल्न आएपछि ईलाका प्रहरी कार्यालय धरानबाट खटिएको प्रहरी टोलीले पक्राउ गरेको हो । उनी अविवाहित भएको प्रहरीले जनाएको छ ।
प्रतिक्रिया दिनुहोस