काठमाडौँ । नेपाली कांग्रेसका सभापति शेरबहादुर देउवाले महिलाहरूले कम्मर कसेको खण्डमा पार्टीले बहुमत ल्याउने बताएका छन् । मंगलादेवी सिंह फाउन्डेसनले आयोजना गरेको कार्यक्रममा सभापति देउवाले महिलाको योगदान नभइकन पार्टीले बहुमत प्राप्त गर्न नसक्ने बताए ।
‘महिला सशक्तीकरणको कार्यक्रम छ । महिला सशक्तीकरणले पार्टीलाई बहुमत प्राप्त हुन्छ । महिला सच्चा मानेमा क्रियाशील भएमा पुरापुर बहुमत ल्याउन सक्ने पार्टी बन्छ। महिलाहरूले कम्मर कसेको खण्डमा अवश्य बन्नेछ,’ उनले भने ।
मंगलादेवी सिंह महिला अधिकारका लागि लडेको भन्दै अहिले महिलालाई अधिकार मिलेको सभापति देउवाको भनाइ छ ।
‘हाम्रो संविधानले पछाडि परेका दाजुभाइ दिदी बहिनीलाई अधिकार दिएको छ । महिला अधिकारका सवालमा हाम्रो संविधान संसारका संविधानभन्दा उत्कृष्ट छ । हाम्रो पार्टीको विधानमा पनि नेपालकै संविधानको अनुसरण गरेर समावेशी बनाएका छौँ । हाम्रो पार्टी पूर्ण रुपमा समावेशी छ,’ उनले भने ।
नेपाली कांग्रेस संसद्मा सबैभन्दा ठुलो भए पनि बहुमत प्राप्त गर्न नसकेको देउवाले बताए । ‘वास्तवमा भन्ने हो भने बहुमत प्राप्त गर्न पनि सजिलो छैन । समावेशी समानुपातिक अवधारणमा संविधान बनेकाले बहुमत आउन गाह्रो छ । यसका बाबजुद पनि हाम्रो पार्टी सबैभन्दा ठुलो पार्टी छ । भोलि बहुमत ल्याउन सक्ने पार्टीका रूपमा हामीले स्थापित गर्नु छ । त्यसका लागि महिलाहरूको धेरै ठुलो योगदान हुन्छ ,’ उनले भने ।
प्रतिक्रिया दिनुहोस
सफल खबर संवाददाता
आइतबार, १८ चैत्र २०८०, १७ : ००
लेखकबाट थप
सम्बन्धित समाचारहरु
बुढानिलकण्ठमा कांग्रेस पदाधिकारी बैठक जारी
गठबन्धनमा असन्तुष्ट माधव नेपालसँग देउवाको अर्थपूर्ण भेट
कांग्रेसलाई एक्लै लडेर बहुमत ल्याउने पार्टी बनाऔं : सभापति देउवा
प्रधानमन्त्री प्रचण्ड र कांग्रेस सभापति देउवाबीच भेट, के भयो कुराकानी ?
नेपाल विद्यार्थी संघको केन्द्रीय तदर्थ कार्यसमितिमा थपिए ४१ सदस्य (सूचीसहित)
चाडपर्वबाट एकता र मेलमिलापको आधार बन्छ : सभापति देउवा