काठमाडौं । नेपाली कांग्रेसका युवा नेता प्रदीप पौडेलले आफूहरुले संसदमा रचनात्मक प्रतिपक्षको भूमिका निर्वाह गर्ने बताएका छन् । शनिबार दाङ पुगेका नेता पौडेलले आफूहरुलाई सत्तामा जाने कुनै हतारो नभएको दाबी गरे ।
उनले भने, ‘अहिले हामीलाई सत्तामा जाने कुनै हतारो छैन । सत्तामा जान अप्राकृतिक प्रपञ्च गर्न जरुरी छैन । हामीले कसैलाई अस्वाभाविक रुपले कुर्सी दिएर सत्तामा जाने कोसिस गरिरहेका छैनौं । हामीलाई परिस्थितिले नै सत्तामा लान्छ । यो गठबन्धन आफैं ढल्छ, अर्को बन्ने गठबन्धनबाट कांग्रेस सत्तामा जान्छ । जनता र परिस्थितिको चाहनाअनुसार हुन्छ । त्यसैले हामीलाई अहिले हतारो छैन ।’
सांसद पौडेलले कांग्रेसको सीटभन्दा आधा कम भएको माओवादीलाई प्रधानमन्त्री स्वीकार्नु नै अचम्मको विषय भएको बताए । उनले भने, ‘माओवादीका अध्यक्ष तेस्रो दलको नेता हो संसदमा । हामीले उहाँलाई प्रधानमन्त्रीमा समर्थन गरिराख्दा पनि उहाँले कांग्रेसको समर्थनलाई लत्याएर नयाँ गठबन्धन गर्नुभयो । हामी प्रष्ट ढंगले भन्छौं, बेइमानी माओवादी र प्रचण्डको हो । हाम्रो रोदन होइन वास्तविकता हो । कांग्रेसको सीटभन्दा आधा कम भएको पार्टी हो माओवादी । त्यसैले कांग्रेसले माओवादीको नेतृत्वलाई प्रधानमन्त्री स्वीकार्ने नै अचम्मको विषय थियो ।’
उनले प्रश्न उठिसकेपछि छानबिन स्वतन्त्र र निष्पक्ष बनाउन उपप्रधान तथा गृहमन्त्री रवि लामिछानेको विषय उठाएको जिकिर गरे । नेता पौडेलले भने, ‘अहिलेको अवस्थाले निष्पक्ष छानबिनलाई प्रभावित पार्छ भन्ने हाम्रो बुझाइ हो । फेरि प्रधानमन्त्रीले गठबन्धन तोड्दैगर्दा कसैमाथि प्रश्न उठेको छ भने त्यसलाई मन्त्रीमण्डलमा ल्याउँदैनौं भन्नुभएको थियो । हामीले अहिले उहाँको राजीनामा भनेको होइन । राजीनामा दिने र नदिने उहाँको नैतिकताको विषय हो । हामीले छानबिन हुनुपर्छ, छानबिन प्रभावित हुनु हुँदैन भनेका हौं । संसदीय छानबिन गर्नु उहाँको लागि पनि राम्रो हुन्छ भन्ने हाम्रो बुझाइ हो ।’
उनले संसदबाट सबै कुरा टुंग्याउनुपर्छ भन्ने सिद्धान्त बोकेका पार्टी भएकाले अवरोध गर्ने पक्षमा कांग्रेस नरहेको बताए ।
प्रतिक्रिया दिनुहोस
सफल खबर संवाददाता
शनिबार, १० चैत्र २०८०, १४ : १६
लेखकबाट थप
सम्बन्धित समाचारहरु
प्रतिनिधिसभामा स्वास्थ्यमन्त्री प्रदीप पौडेलको राजीनामा माग
नसर्ने रोगविरुद्धको ‘स्क्रिनिङ’अभियान सफल बनाउन मन्त्री पौडेलको अनुरोध
आलोचनात्मक कोण छाड्न गुरु घिमिरेलाई मन्त्री पौडेलको जवाफ
जलनको निःशुल्क उपचार सेवा आवश्यक पर्नेलाई मात्र दिइन्छ : स्वास्थ्यमन्त्री पौडेल
पत्रकारिताको विकासले पारदर्शिता सुनिश्चित गर्छ : स्वास्थ्यमन्त्री पौडेल
आगामी वर्षदेखि उपचारमा चस्माको भ्याट र भन्सार लिँदैनौँ : स्वास्थ्यमन्त्री पौडेल