राष्ट्रपति पौडेलद्वारा शालिक अनावरण

काठमाडौं। राष्ट्रपति रामचन्द्र पौडेलले महोत्तरीको पिपरा गाउँपालिका– ४ मा निर्मित पूर्वमन्त्री एवं नेपाली कांग्रेसका नेता स्वर्गीय रामनारायण मिश्र, जलेश्वर नगरपालिका– ५ मा निर्मित पूर्वमन्त्री स्वर्गीय गणेश नेपाली र मटिहानी नगरपालिका– ८ मा निर्मित शहीद केशव कोइरालाको शालिक अनावरण गरेका छन् ।

राष्ट्रपति पौडेलले पिपरामा नेता मिश्रको, त्यसपछि नेता नेपालीको र अन्त्यमा शहीद केशव कोइरालाको शालिक अनावरण गरेका छन् ।शालिक अनावरण गर्दै राष्ट्रपति पौडेलले शहीद एवं पूर्व नेता  देशका धरोहर रहेकाले उनीहरूप्रति सबैको श्रद्धाभाव हुनुपर्ने बताए ।

उनीहरूले देशका लागि गरेको योगदानलाई हामीले बिर्सिन नहुने उनको भनाइ थियो ।​उनीहरूले देखाएको बाटोमा सधैं हिँड्नुपर्नेमा राष्ट्रपतिले जोड दिएका थिए ।