काठमाडौँ । जनमत पार्टीका प्रदेश सांसदहरूले मधेश प्रदेश सभा बैठक अवरुद्ध गरेका छन् । २०८० माघ ८ गते सप्तरीको राजविराजमा तत्कालीन शिक्षा तथा संस्कृतिमन्त्री महेश यादवसहित जनमतका सांसदहरूमाथि मुख्यमन्त्रीकै अगाडि हमला भएको विषयमा मुख्यमन्त्रीले जवाफ दिनुपर्ने माग गर्दै जनमतका सांसदहरूले प्रदेश सभा बैठक अवरोध गरेका हुन् ।
मंगलबार प्रदेश सभाको बैठक सुरु हुन साथ जनमत पार्टीका सांसदहरू उभिएर मुख्यमन्त्रीले जवाफ नदिए बैठक चल्न नदिने अडान लिएका थिए । साधारण विषयमा सधैँ संसद् अवरुद्ध गर्नु राम्रो नहुने भन्दै सभामुख रामचन्द्र मण्डलले संसद्को कारबाही अगाडि बढाउन खोज्दा जनमतका सांसदहरू रोष्टम घेराउ गर्दै मुख्यमन्त्रीविरुद्ध नाराबाजी गरेका छन् ।
विरोधकाबीच बैठकमा सभामुख मण्डलले खेलकुद तथा समाज कल्याणमन्त्री सुरिताकुमारी साहलाई प्रदेश बाल अधिकार ऐन २०७७ लाई संशोधनको प्रस्ताव पेस गर्न अनुमति दिएका थिए ।
मन्त्री साह रोष्टमतर्फ जाँदै गर्दा जनमत पार्टीका सांसदहरूले सरकार र मुख्यमन्त्रीविरुद्ध नाराबाजी गरेपछि प्रदेश सभा बैठक १० मिनेटकालागि स्थगित गरिएको छ । मधेश प्रदेशका मुख्यमन्त्री सरोजकुमार यादवले फागुन ६ गते प्रदेश सभामा विश्वासको मत लिने पनि जनमतका सांसदहरूले बैठक अवरुद्ध गरेका थिए ।
प्रतिक्रिया दिनुहोस
सफल खबर संवाददाता
मंगलबार, १५ फागुन २०८०, १६ : ०४
लेखकबाट थप
सम्बन्धित समाचारहरु
जनमतले बोलायो केन्द्रीय समिति बैठक
कवाड व्यवसायीलाई काठमाडौं महानगरले ज्यादती गर्योः जनमत
जनमत पार्टीका केन्द्रीय सदस्यसहित युवा नेता जसपा नेपालमा प्रवेश
जनमत पार्टीले मनायो ‘धोती दिवस’
जनमत पार्टीले आज धोती दिवस मनाउने
सामाजिक सञ्जाल प्रयोगमा जनमतको कडाइ- नेताको पक्षमा पोष्ट नगर्नेको तह घटुवादेखि बर्खास्तीसम्म