काठमाडौं सम्मेलनले देशैभर म्यासेज दिनुपर्छ : सभापति देउवा

काठमाडौं। ​​नेपाली कांग्रेसका सभापति शेरबहादुर देउवाले काठमाडौं कांग्रेसको सम्मेलनले देशैभरि म्यासेज दिनुपर्ने बताएका छन् । काठमाडौंको जिल्ला सम्मेलन उद्घाटन गर्दै सभापति देउवाले राजधानी रहेको काठमाडौंको सम्मेलन सबैका लागि महत्त्वपूर्ण हुने बताएका हुन् ।

‘काठमाडौं देशको राजधानी पनि हो । यसैले यो महत्त्वपूर्ण सम्मेलन हो । राष्ट्रिय अन्तर्राष्ट्रिय रुपमा पनि यसको महत्त्व छ’, देउवाले भने, ‘यो सम्मेलनले पास गर्ने प्रस्तावले पार्टीमा राम्रो छाप र प्रभाव पनि छाड्छ ।’