दक्षिण कोरियामा कुकुरको मासुमा प्रतिबन्ध, यसै वर्षदेखि कानुन लागु हुने

एजेन्सी । दक्षिण कोरियाले सन् २०२७ सम्ममा कुकुर मार्ने र त्यसको मासु बिक्रीमा रोक लगाउने नयाँ कानुन पारित गरेको छ । यो कानूनको उद्देश्य कुकुरको मासु खाने शताब्दी पुरानो परम्परालाई रोक्नु हो।

पछिल्ला केही दशकहरूमा कुकुरको मासु मानिसहरूको स्वादबाट झर्दै गएको छ र यसलाई खान मन नपर्ने अधिकांश युवाहरू छन्।

यो कानुनअनुसार मासुका लागि कुकुर पाल्ने र मार्ने काममा रोक लगाइनेछ । यससँगै कुकुरको मासु बिक्री वितरणमा पनि रोक लगाइनेछ । यस कानुनको उल्लंघन गरेको पाइएमा जेल पनि पठाउनेछ।

कुकुर मार्ने कसाईलाई तीन वर्षसम्म जेल सजाय हुन सक्छ, र कुकुर पाल्ने वा कुकुरको मासु बेच्नेलाई अधिकतम दुई वर्ष जेल सजाय हुन सक्छ। यद्यपि, कुकुरको मासु खानु अझै पनि गैरकानूनी हुनेछैन।

किसान र रेष्टुरेन्ट मालिकलाई रोजगारी र आम्दानीको वैकल्पिक स्रोत खोज्न समय मिलाउन यो नयाँ कानून लागू गर्न तीन वर्ष लाग्ने छ ।उनीहरूले आफ्नो व्यवसाय कसरी सञ्चालित गर्ने भनेर आफ्नो सम्पूर्ण योजना स्थानीय अधिकारीलाई बताउनुपर्नेछ।

सरकारी तथ्यांकअनुसार सन् २०२३ मा दक्षिण कोरियामा १ हजार ६ सय कुकुरको मासु रेस्टुरेन्ट र १ हजार १ सय ५० कुकुर फार्महरू थिए।