काभ्रे । अर्थमन्त्री डा. प्रकाशशरण महतले मुलुकको समृद्धिका लागि सरकार योजनावद्ध ढंगले अघि बढिरहेको बताएका छन्। चैतन्य एकेडेमीले धुलिखेलमा आयोजना गरेको सुशासन, दिगो विकास र समृद्धि विषयक कार्यक्रमलाई सम्बोधन गर्दै डा. महतले इन्टर पास भइसकेपछि बाहिर जाने संस्कृतिलाई रोक्नुपर्ने बताए।
‘नेपालमा शिक्षाको गुणस्तर कमजोर छ। यहाँ पढ्नु हुँदैन भन्ने गलत भास्यको विकास गरिँदै छ। हामीसामू पुरानो इतिहास पनि छदै छ। अहिले राम्रो हुँदैछ। राम्रो भएको छ। हामिले राम्रो गर्नुपर्छ। राम्रो गर्न सम्भव छ। हामी त्यो गरिरहेका छौं,’ उनले भने। उनले छात्रवृति पाउँदा मात्र उच्च शिक्षा अध्ययनका लागि बाहिर जानुपर्ने धारणा राखे।
नेपालमा अवसर नभएको भन्दै यहाँ राम्रो काम गरिरहेकाहरू बाहिर गएको र त्यहाँ सामान्य काम गरिरहेको बताउँदै उनले नेपालका सम्भावनालाई छोडेर बाहिर जान नहुने बताए।
उनले देशको दक्ष जनशक्ति मुलुकमै बस्नुपर्ने बताएका छन्। समै मिलेर इमान्दार भएर काम गर्दा मुलुकमा दिगो विकास र समृद्धि हासिल गर्न सकिने उनले बताए।
यसका साथै मुलुकको अर्थतन्त्र सुशारका लागि सरकार लागि परेको उनले बताए। मुलुकमा सुशासन, दिगो विकास र समृद्धि कायम गर्न सरकारले काम गरिरहेको मन्त्री महतले बताए।
‘विकसित मुलुक एकै पटक विकसित भएका होइनन्। नतिजा आउन समय लाग्छ। अहिले हामीले इमान्दारिताका साथ काम गरिरहेका छौं, नेपालमा विकास सम्भव छ’, उनले भने। कोरोना महामारीलगायत विभिन्न कारणले नेपालमात्र नभएर विश्वकै अर्थतन्त्र अप्ठ्यारो परिरहेको समयमा तत्कालको कुरामात् नहेरेर आउँदो पिडिसम्मलाई फाइदा पुग्ने कुरामा सरकार केन्द्रित रहेको उनले बताए।
प्रतिक्रिया दिनुहोस
सफल खबर संवाददाता
शुक्रबार, १२ असोज २०८०, १८ : ३१
लेखकबाट थप
सम्बन्धित समाचारहरु
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैनः अर्थमन्त्री पुन
अर्थतन्त्र सुधारका लागि राजनीतिक नेतृत्वले जोखिम मोल्नुपर्ने अवस्था आएको छ : अर्थमन्त्री पुन
लगानी सम्मेलन सफल भयो, हामी उत्साहित छौँ : अर्थमन्त्री पुन
नेपाल अन्तर्राष्ट्रिय लगानीको गन्तव्य : अर्थमन्त्री पुन
नेपाल र चीनबीच दुई महत्वपूर्ण सम्झौतामा हस्ताक्षर
आगामी आर्थिक वर्षको बजेटबारे अर्थमन्त्रीले लिए ७ पूर्वअर्थमन्त्रीसँग सुझाव