माओवादी केन्द्रले बोलायो केन्द्रीय समिति बैठक

काठमाडौं । सरकारको नेतृत्व गरिरहेको दल नेकपा माओवादी केन्द्रले केन्द्रीय समिति बैठक आह्वान गरेको छ । पार्टी एकतासहित संगठनलाई चलायमान बनाउन आवश्यक कार्ययोजना तय गर्न माओवादी केन्द्रले असार तेस्रो साता केन्द्रीय समिति बैठक बोलाएको हो ।

पार्टी केन्द्रीय कार्यालयको सचिवलयले बैठक असार २३ गतेदेखि सुरु हुने जनाएको छ । चार दिनसम चल्ने बैठकमा पार्टीको २ महिने अभियान,सरकारको काम कारवाही, समाजवादी मोर्चा र नेसपासँगको एकताको बिषयमा छलफल हुनेछ ।

नेकपा माओवादी केन्द्र र बाबुराम भट्टराई नेतृत्वको नेपाल समाजवादीबीच एकताबारे लामो समयदेखि छलफल भइरहेपनि मूर्तरुप लिन नसकेको सन्दर्भमा केन्द्रीय समिति बैठकमा यसबारे पनि छलफल हुनेछ ।