एक वर्षमा ३० अर्बको चामल आयात

काठमाडौं   ।  नेपालमा ३१ लाख हेक्टरमा खेतीयोग्य जमिन रहेका कृषि भूमि व्यवस्था तथा सहकारी मन्त्रालयको तथ्यांक छ । त्यसमध्ये करिब १६ लाख हेक्टरमा धान खेती हुन्छ ।

अहिले नेपालमा ५० लाख टनभन्दा बढी धान उत्पादन हुने तथ्यांक छ। यसको बजार मूल्य एक खर्बभन्दा बढी हुन आउँछ ।

तर, स्वदेशी उब्जनीले मात्र नेपालको माग नपुग्ने कारण हरेक वर्ष अर्बौं रुपैयाँ बराबरको चामल आयात भइरहेको छ। आजको नयाँ पत्रिकाको आर्थिक पृष्ठमा यो समाचार छापिएको छ ।

आर्थिक वर्ष २०७४ ७५ मा करिब ३० अर्ब रुपैयाँको चामल आयत भएको अनुमान छ । मन्त्रालयको तथ्यांकअनुसार स्वदेशी माग धान्न वार्षिक ६१ लाख ३८ हजार टन धान उत्पादन हुनु आवश्यक छ ।

तर, गत वर्ष ५२ लाख ३० हजार मात्र उत्पादन भएको छ। त्यस्तै मकै साढे चार टन, गहुँ दुई लाख अपुग छ ।