सप्तरीमा पाँच दलितको मृत्यु, अनुगमनका लागि मधेसी आयोग बाट टोली खटाइने

सप्तरी । सप्तरीको कन्चनरुप नगरपालिकामा पाँच जना अति विपन्न मधेसी दलितहरुको मृत्यु भएपछि मधेशी आयोगले ध्यानाकर्षण भएको जनाएको छ । उपचारकै अभावमा उनीहरुको मृत्यु भएको घटनाबारे अनुगमनका लागि आयोगले एक अनुगमन टोली पठाउने भएको छ । 

आयोगकी उपसचिव सबिता डंगोलले आइतबार एक प्रेस विज्ञप्ति जारी गर्दै राज्यले हरेक नागरिकको उपचारको ग्यारेन्टी गरेपनि वर्षेनी हुने यस्ता घटनाहरु प्रति आयोगको गम्भीर ध्यानकर्षण भएको उल्लेख गरेकी छन् । 

आयोगका अध्यक्ष डा विजयकुमार दत्तले आयोगले यस्ता संवेदनशील घटनाहरुको अल्पकालीन र दीर्घकालीन समाधानको लागि विभिन्न समयमा सिफारिस र ध्यानकर्षण गराएपनि सरकारको बेवास्ताले गर्दा घटनाहरु दोहोरिने गरेको बताए । 

आयोगले पीडित परिवारलाई सहयोग गर्न र बिरामीहरुलाई यथोचित स्वास्थ्य उपचारको प्रबन्ध मिलाउन सरकारलाई आग्रह गरेको छ ।