_20221214211254.jpeg)
प्रधानमन्त्री तथा नेपाली कांग्रेसका सभापति शेरबहादुर देउवा र कांग्रेस नेता अर्जुन नरसिंह केसीबीच बुधबार भेटवार्ता भएको छ । प्रधानमन्त्री निवास बालुवाटारमा करिब एक घण्टा लामो भएको भेटवार्ताका क्रममा निर्वाचनमा विजयी भएकामा एकअर्कामा बधाई साटासाटका साथै समसायिक विषयमा छलफल भएको केसीको सचिवालयले जनाएको छ ।
यस्तै भेटका क्रममा नयाँ सरकार गठनका विषयमा छलफल हुनुका साथै ९गठबन्धन दल, निर्वाचन परिणाम र संसदको अंकगणितीय उपस्थितिको समीक्षा भएको थियो ।
अर्थतन्त्रमा देखिएको समस्याको समाधान, नुवाकोटका अधुरा विकास निर्माणका कामका साथै किसानका समस्याका बारेमा पनि केसीले प्रधानमन्त्रीसँग छलफल गरेको सचिवालयले जनाएको छ । पछिल्लो दिनमा केसीले राजनीतिक भेटवार्तालाई तिव्रता दिएका छन् । केसीले अवसर आएको खण्डमा सभामुख बन्नेमा इच्छा देखाएका छन् ।
प्रतिक्रिया दिनुहोस
सफल खबर संवाददाता
बुधबार, २८ मंसिर २०७९, २१ : ०७
लेखकबाट थप