नागरिक उन्मुक्ति पार्टी सर्तसहित सरकारमा जाने

काठमाडौँ । रेशम चौधरी लगायतका जेलमा रहेका नेता, कार्यकर्तालाई रिहाइ गरे नागरिक उन्मुक्ति पार्टीले पनि सरकारमा सहभागी हुने बताएको छ।

शुक्रबार काठमाडौँमा बसेको पार्टीको सचिवालय बैठकले पार्टीका नेता चौधरीलगायतलाई जेलबाट रिहाइ गरे आफूहरू सरकारमा सहभागी भई राष्ट्र निर्माणको अभियानमा सहभागी हुने निर्णय गरिएको पार्टीका महासचिव रतन थापाले जानकारी दिएका छन्।

साथै बैठकले पार्टीबाट निर्वाचित सांसदले पारिश्रमिकको ५० प्रतिशत लेबि बुझाउने निर्णय पनि गरेको छ। पार्टीले यही वैशाख ४ देखि ६ गतेसम्म कैलालीको टिकापुरमा राष्ट्रिय महाधिवेशन गर्ने निर्णय पनि गरेको छ।

यस्तै, बर्दिया क्षेत्र नम्बर २ बाट संघीय सांसदमा निर्वाचित स्वतन्त्र सांसद लालवीर चौधरी आफ्नै बुहारी रन्जिता श्रेष्ठ चौधरी नेतृत्वको नागरिक उन्मुक्ति पार्टीमा प्रवेश गरेका छन्।