भारतले पाकिस्तानीसहित आठ युट्युब च्यानल ब्लक गर्‍यो

एजेन्सी । अफवाह फैलाएको आरोपमा भारतले पाकिस्तानी एक सहित आठ युट्युब च्यानल ब्लक गरेको छ । अवरुद्ध युट्युब च्यानलहरूमा ११४ करोड भन्दा बढी भ्यूहरू र ८५.७३ लाख सदस्यहरू थिए।

साम्प्रदायिक सद्भाव, सार्वजनिक व्यवस्था र भारतको वैदेशिक सम्बन्धमा प्रतिकूल असर पर्ने झूटा सामग्री प्रसारणमा संलग्न रहेको पाइएपछि पाकिस्तानबाट सञ्चालित एउटा सहित आठ युट्युबमा आधारित समाचार च्यानलहरू बन्द गरेको जनाइएको छ। 

सूचना तथा प्रसारण मन्त्रालयले सूचना प्रविधि नियम, २०२१ अन्तर्गतको आपतकालीन शक्तिको प्रयोग गर्दै १६।०८।२०२२ मा आठ ९८० युट्युबमा आधारित समाचार च्यानल, एक ९१० फेसबुक खाता र दुईवटा फेसबुक पोस्ट ब्लक गर्न आदेश जारी गरेको हो। ब्लक गरिएका युट्युब च्यानलहरूको ११४ करोड भन्दा बढीको संचयी दर्शकहरू थिए, ८५ लाख प्रयोगकर्ताहरूले सदस्यता लिएका थिएु, सूचना र प्रसारण मन्त्रालयले बिहीबार जारी गरेको प्रेस नोटमा भनिएको छ।

मन्त्रालयका अनुसार सूचना प्रविधि नियम–२०२१ बमोजिम यी च्यानलहरु बन्द गरिएको हो ।यी युट्युब च्यानलहरू मध्ये केही द्वारा प्रकाशित सामग्रीको उद्देश्य भारतमा धार्मिक समुदायहरू बीच घृणा फैलाउनु थियो। ब्लक गरिएका युट्युब च्यानलका विभिन्न भिडियोहरूमा झुटा दाबी गरिएको थियो। उदाहरणहरूमा भारत सरकारले धार्मिक संरचनाहरू भत्काउन आदेश दिएको जस्ता नक्कली समाचारहरू समावेश छन्स भारत सरकारले धार्मिक चाडपर्व मनाउन प्रतिबन्ध लगाएर भारतमा धार्मिक युद्धको घोषणा गरेको छ । त्यस्ता सामग्रीले देशमा साम्प्रदायिक असमानता र सार्वजनिक व्यवस्थालाई खलल पार्ने सम्भावना रहेको पाइयो,’ मन्त्रालयले भन्यो।

रोक लगाइएका च्यानलहरूमा लोकतंत्र टिभी, यूएन्डभी टिभी, एएम रज्वी, गौरावशाली पवन मिथिलाञ्चल, सीटप ५टीएच, सरकारी अपडेट, सब कुछ देखो र पाकिस्तान आधारित समाचार की दुनिया पर्छन्।

विज्ञप्तिमा भनिएको छ, ब्लक गरिएका भारतीय युट्युब च्यानलहरूले नक्कली र सनसनीपूर्ण थम्बनेलहरू, समाचार एङ्करहरूको छवि र केही टिभि न्यूज च्यानलहरूको लोगोहरू प्रयोग गरी दर्शकहरूलाई समाचार प्रामाणिक छ भनी विश्वास गर्न भ्रमित गरेको पाइएको छ।ू

उनीहरुले सरकारले धार्मिक संरचना भत्काएको, धार्मिक चाडपर्व मनाउन प्रतिबन्ध लगाएको, भारतमा धार्मिक युद्धको घोषणा गरेको जस्ता झुटा दाबी समेत गरेको विज्ञप्तिमा उल्लेख छ ।