काठमाडाैं । फ्रेन्च लिग वान क्लब मार्सेलीले फरवार्ड एलेक्सिस सान्चेजसँग सम्झौताको सैद्धान्तिक सहमति भइसकेको पुष्टि गरेको छ ।इटालियन क्लब इन्टर मिलानले सोमबार सान्चेजसँगको सम्झौता नवीकरण नगर्ने बताएको थियो । चिलीका अन्तर्राष्ट्रिय खेलाडी सान्चेज इन्टरले सन् २०२०–२१ को सिरी ‘ए’ उपाधि जित्दा टोलीका महत्त्वपूर्ण सदस्य थिए ।
यस्तै, इन्टरले जनवरीमा सुपरकोपाको उपाधि जित्दा सान्चेजले १२१औं मिनेटमा निर्णायक गोल गरेका थिए । मार्सेले मंगलबार सान्चेजसँग सम्भावित सम्झौताको घोषणा गरेको हो ।
‘ओलम्पिक डी मार्सेलीर एलेक्सिस सान्चेजबीच सम्झौतासम्बन्धमा सैदान्तिक सहमति बनेको छ । १४३ क्याप र १७ उपाधि जितेका चिलीका अन्तर्राष्ट्रिय खेलाडी केही समयमै स्वास्थ्य परीक्षणका लागि मार्सेली आइपुग्नेछन्,’ मार्सेलीले जारी गरेको विज्ञप्तिमा उल्लेख छ ।
प्रतिक्रिया दिनुहोस
सफल खबर संवाददाता
बुधबार, २५ साउन २०७९, १५ : ०५
लेखकबाट थप