काठमाडौं । लोकरक ब्याण्ड नेपथ्यले आफ्नो दसौं एल्बममा समावेश छैठौं गीतको म्यूजिक भिडियो सार्वजनिक गरेको छ । पछिल्लोपटक ब्याण्डले ‘कुरुप अनुहार हो’ को श्रब्यदृश्य तयार पारेको हो ।
उक्त एल्बमबाट यसअघि ‘कोशीको पानी’, ‘शिरफूल’, ‘रामारामा’, ‘हामी नेपाली’ र ‘सम्झिराख’ बोलका गीतहरुको म्यूजिक भिडियो सार्वजनिक भइसकेका छन् ।
नेपथ्यले यो गीत तयार पारेयता आफ्नो स्थापनाको रजत जयन्ती मनाउने क्रममा वर्षभरि ‘कुरुप अनुहार हो’ लाई कन्सर्टकै पहिलो गीतका रुपमा प्रस्तुत गर्दैआएको छ ।
यस म्यूजिक भिडियोमा प्रयोग गरिएको दृश्यहरु ब्याण्डले गत वर्ष आफ्नो अष्ट्रेलिया र न्यूजिल्याण्ड कन्सर्ट गर्दाका दौरान खिचिएको हो ।
नेपथ्यले आफ्ना प्रत्येक सिर्जनाहरु आइट्युन, गुगलप्ले र स्पोटिफाइजस्ता ‘भर्चुअल स्टोर’ हरुका माध्यमबाट सार्वजनिक गर्दैआएको छ ।
प्रतिक्रिया दिनुहोस