काठमाडौं । असारमा प्रदर्शनमा आउने चलचित्र ‘वीराङ्गना’को ‘तिमी पुलिस म नि पुलिस’ बोलको गीत सार्वजनिक गरिएको छ । बिहिबार आयोजित १० औं ‘डि सिने अवार्ड’ समारोहमा सार्वजनिक गरिएको गीतमा अभिनेता अनुपविक्रम शाही र अभिनेत्री शिल्पा पोखरेलको प्रहरीको बर्दीमा नृत्य देख्न सकिन्छ ।
दिपक शर्माको संगीत, महिमा श्रेष्ठ र योन्जक लामाको स्वर, दिनेश सुवेदीको शब्द र कविराज गहतराजको कोरियोग्राफी रहेको गीत राम्रो बनेको छ । एक्शन जनराको नारी प्रदान यो फिल्म राजबहादुर सानेले निर्देशन गरेका हुन् । हरिबोल लामाको छायाँकन र तारा थापाको सम्पादन रहेको फिल्मका बाबुराम दास, श्यामबहादुर थापा, रघु परियार, देव तामाङ र विमला भट्ट निर्माता हुन् भने सह–निर्माता सुमि चाम्लिङ राई रहेकी छन् ।
र्फोथ आई मुभिजको ब्यानरमा निर्माण भएको फिल्ममा शिल्पा र अनुपको अलवा पृथ्वीराज प्रसाई, धिरेन शाक्य, प्रज्वल गिरी, प्रिया रिजाल, धु्रव कोइराला, सुशील पोखरेल, अंशु थापा, अमृत सापकोटा लगायतका कलाकारको अभिनय रहेको छ । काठमाडौंमा बिके फिल्मस्का गोपाल कायस्थ र काठमाडौं बाहिर एफडी कमपनीले फिल्मको वितरणको जिम्मा लिएको छ ।
प्रतिक्रिया दिनुहोस