काठमाडौं । कर्णराज गिरीको गीत ‘भाइरल भयो रे’ म्युजिक भिडियोसहित सार्वजनिक भएको छ । जसमा अभिनेत्री, मोडल माला लिम्बुले मोडलिङ गरेकी छन् । गीतको मालाको अलवा नयन डिसीर गु्रभी ब्वाइज समुहको पनि अभिनय देख्न सकिन्छ ।
एक दशक भन्दा लामो समयदेखि सांगीतिक क्षेत्रमा क्रियाशील गिरीले सांगीतिक यात्रामा संगालेको अनुभव जति गीत ‘भाईरल भयो रे’मा समेटेको बताए । उनले भने ‘मेरो अघिल्ला गीतझै यो पनि दर्शकले रुचाउनेछन् ।’
माला लिम्बु र नारायण बस्नेतको शब्द, गायक गिरीकै संगीत रहेको गीत ‘भाईरल भयो रे’ माथि बनेको म्युजिक भिडियो नयन डिसीले नै निर्देशन गरेका हुन् । गायक गिरीले यस अगाडि ल्याएका ‘ह्याङ बनायौ’, ‘मरे आमा’, ‘पहलो नजर’, ‘मन भित्रको माया’ लगायतका गीतहरु दर्शक स्रोताले निकै रुचाएका थिए ।
प्रतिक्रिया दिनुहोस