काठमाडौ । बाराको फेटा गाउँपालिका–४ फुलवरिया बस्ने ४६ वर्षीय प्रेमचन्द्र महरा दैनिकजसो दूध लिन बिहान छिमेकी जिल्ला पर्सा पुग्छन्। उनी दूध लिन पर्साको वीरगञ्ज महानगरपालिका – ८ स्थित गाईगोठ पुग्ने गरेका हुन्।
उक्त गाईगोठका सञ्चालक हुन् ३४ वर्षीय दीपककुमार महरा। दुवै महरा तर छैन कुनै नाता। दीपक दूध बेच्ने र प्रेमचन्द्र किन्ने। यही सम्बन्धले उनीहरु एकअर्काबीच परिचित छन्। प्रेमचन्द्रले घरायसी प्रयोगको लागि दीपकसँग दूध लिँदै आएका थिए।
तर गएको बिहीबार त्यहीं प्रेमचन्द्रको लास दीपकको गाईगोठमा फेला प¥यो। प्रहरीले शवसँगै रगत लागेको खुकुरी बरामद ग¥यो। प्रहरीले गाईगोठ धनी दीपकलाई नियन्त्रणमा लियो।अनुसन्धानका क्रममा दीपकले प्रेमचन्द्रको खुकुरी प्रहार गरी हत्या गरेको देखियो। गर्धन र टाउकोको पछाडि खुकुरी प्रहार गरिएको अवस्थामा प्रेमचन्द्रको शव फेला परेको थियो । दीपकले हत्या गर्ने उद्देश्यले नै प्रेमचन्द्रलाई आफ्नो गाईगोठमा बोलाएको पर्सा प्रहरीले जनाएको छ ।
प्रहरीका अनुसार हत्या भएको दिन दीपकले प्रेमचन्द्रलाई फोन गरेर ‘तिमीसँग कुरा गर्नु छ, गाईगोठमा आउनुस्’ भनेर बोलाएका थिए। दीपकले बोलाएपछि प्रेमचन्द्र गाईगोठ पुगेको प्रहरीले बताएको छ।
प्रतिक्रिया दिनुहोस
सफल खबर संवाददाता
आइतबार, १५ फागुन २०७८, १२ : १९
लेखकबाट थप