शेयर बजारमा ५ अंकको सुधार, साढे ३ अर्बको कारोबार

काठमाडौं । बुधबार शेयर बजार सामान्य अंकले सकारात्मक रह्यो । मंगलबार सामान्य अंकले करेक्सन भएर सम्हालिने संकेत गरेको बजार बुधबार सामान्य अंकले सकारात्मक रहेको हो ।उतार चढावबीच बजार परिसूचक नेप्से ५ अंक बढीले उकालो लागेर २५ सय २४ कायम भएर थामियो ।

कारोबार भने साढे ३ अर्ब हाराहारीमै सीमित भयो । यसदिन आठ वटा समूह हरियो रहँदा पाँच वटा सातो रहे । निर्जिबन बिमा समूह सबैभन्दा उच्च २ सय ५१ अंकले उकालो लाग्यो ।

उत्पादनमूल, होटल तथा पर्यटन, अन्य र लघुवित्त समुह दोहोरो अंकले सुधारिंदा जिवन बिमा, बिकास बैंक र व्यापार समुह दोहोरो अंकले नै ओरालो लागेका छन् ।यस दिन ९१ कम्पनीको शेयर मुल्य बढ्दा ८७ कम्पनीको मुल्य घटेको छ । यस्तै १२ कम्पनीको मूल्य स्थिर रहेको नेप्सेले जनाएको छ ।यस दिन नेपाल स्टक एक्सचेन्जमा २ सय २८ कम्पनीको ५६ लाख बढी कित्ता शेयर ३ अर्ब ६२ करोढ बढीमा कारोबार भएको एक्सचेञ्जले जनाएको छ ।