२५२० मतगणना: गगन र विश्वप्रकाशको अग्रता, अरु कसले कति मत पाए ?

काठमाडौं । नेपाली कांग्रेसको दुई महामन्त्रीका लागि भएको निर्वाचनको सुरुवाती मतगणनामा गगनकुमार थापा र विश्वप्रकाश शर्माले अग्रता लिएका छन् । कांग्रेस निर्वाचन समितिका अनुसार २५२० मत गन्दा थापाले १६४८ र विश्वप्रकाशले १०१९ मत ल्याएर अग्रता लिइरहेका छन् । 

२५२० मत गन्दा कसलाई कति ?
गगन थापा -१६४८
विश्वप्रकाश शर्मा -१०१९
प्रदीप पौडेल -७४६
डा प्रकाशशरण महत -८२७
डा मीनेन्द्र रिजाल- ४३६
डा राजाराम कार्कीले -६४

महामन्त्रीमा ६ जनाबीच प्रतिस्पर्धा छ। महाधिवेशनबाट दुई जना महामन्त्री निर्वाचित हुने व्यवस्था छ। 

सभापति शेरबहादुर देउवाको प्यानलबाट डा प्रकाश शरण महत र प्रदीप पौडेल छन् भने डा शेखर कोइरालाको तर्फबाट गगन थापा र मिनेन्द्र रिजाल मैदानमा छन्।यस्तै, प्रकाशमान सिंह समूहबाट विश्वप्रकाश शर्मा र विमलेन्द्र निधि समूहबाट डा राजाराम कार्की महामन्त्रीको उम्मेदवार छन्।