कोरोना अपडेट : २३६ जना संक्रमित थपिए, एक जनाको मृत्यु

काठमाडौं । नेपालमा आज कोरोना भाइरस (कोभिड-१९) का २३६ जना संक्रमित थपिएका छन् । स्वास्थ्य तथा जनसंख्या मन्त्रालयका अनुसार ९ हजार १७८ जनाको परीक्षण गर्दा सो संख्यामा संक्रमित थपिएका हुन् ।

मन्त्रालयका अनुसार ५ हजार ६७२ जनाको पीसीआर गर्दा १९४ र ३ हजार ५०६ जनको एन्टीजेन परीक्षण गर्दा ४२ जनामा संक्रमण पुष्टि भएको हो ।
आज थप एकजनाको मृत्यु भएको मन्त्रालयले जनाएको छ ।

यस्तै थप ३०७ जना संक्रमित निको भएर घर फर्किएका छन् । आज देशभरी ५ हजार ८८३ जना सक्रिय संक्रमित रहेका छन् ।