बाइडेनले चिनेँ, टोपी लगाएको थिएँ : देउवा

काठमाडौं । जलवायु परिर्वतनसम्बन्धी सम्मेलनमा भाग लिन बेलायत पुगेका प्रधानमन्त्री शेरबहादुर देउवा बिहीबार स्वदेश फर्किएका छन् । भ्रमणका क्रममा देउवाले थुप्रै देशका नेताहरुसँग साइडलाइन भेटवार्ताहरु गरे । साथै बेलायती प्रधानमन्त्री बोरिस जोनसनले आयोजना गरेको रात्री भोजमा पनि नेताहरुसँग प्रधानमन्त्री देउवाको भेट भयो ।

उनले अमेरिकी राष्ट्रपति जो बाइडेनसँग भेटवार्ता गर्न देउबा नेपाली टोपी लगाएर गएका थिए । प्रधानमन्त्री देउवाले विमानस्थलमा सञ्चारकर्मीहरुसँग भने, ‘बाइडेनसँग भेट्दा टोपी लगाएर गएको थिएँ, उनले चिनिहाले ।’ बाइडेन यसअघि नेपाल आइसकेका रहेछन् । आफूलाई नेपाल खुब मनपर्ने देश भएको बाइडेनले बताएका थिए ।