रूपन्देही । निर्माणाधीन घरबाट खस्दा बुटवलमा एक मिस्त्रीको मृत्यु भएको छ । अर्का एक जना घाइते भएका छन् ।
प्रदेश प्रहरी कार्यालयका अनुसार मृत्यु हुनेमा दाङको लमही नगरपालिका–९ वनभुटानी स्थायी घर भएका ३० वर्षीय किसन चौधरी रहेका छन् ।
बुटवल उपमहानगरपालिका–१४ पत्थरगंजस्थित देवबहादुर खत्रीको निर्माणाधीन घरको तेस्रो तलामा प्लास्टर गर्ने क्रममा आइतबार बाँस भाँचिएर लड्दा गम्भीर चौधरी गम्भीर घाइते बताएका थिए ।
चौधरीलाई लुम्बिनी प्रादेशिक अस्पताल बुटवलतर्फ लैजाने गर्दा बाटोमा नै मृत्यु भएको हो । साथै सोही निर्माणाधीन खसेर बाँकेको कोहलपुर नगरपालिका–२ बर्दहवाका २५ वर्षीय गोबिन्द प्रसाद थारु घाइते भएका छन् । उनको लुम्बिनी प्रादेशिक अस्पतालमा उपचार भैइरहेको छ ।
प्रतिक्रिया दिनुहोस
सफल खबर संवाददाता
सोमबार, ११ असोज २०७८, १४ : २०
लेखकबाट थप