रौतहटमा बोलबम तिर्थालु बोकेको भ्यान दुर्घटना, एक जनाको  मृत्यु

वीरगञ्ज । रौतहटको चन्द्रपुरमा बोलबमका तीर्थालु बोकेको भ्यान सोमबार बिहान दुर्घटना हुँदा एक महिलाको मृत्यु भएको छ।चन्द्रपुर नगरपालिका–१ स्थित नुनथरमा बागमती सिँचाईको नहरमा तीर्थालु बोकेको भ्यान दुर्घटना भएको हो।

बाराको महागढीमाई नगरपालिकाबाट बोलबमका तीर्थालु बोकेर जल भर्न निस्केको ना ५ च ३१६६ नम्बरको पिकअप भ्यान दुर्घटनामा परेको हो।दुर्घटनामा बाराको महागढिमाई नगरपालिका निवासी ४५ वर्षीया मिनादेवी कोईरीको घटनास्थलमै मृत्यु भएको ईलाका प्रहरी कार्यालय चन्द्रपुरले जानकारी दिएको छ।

भ्यानमा सवार रहेका अन्य चार जना घाइते भएको र उनीहरुको उपचार चन्द्रपुर अस्पतालमा भइरहेको ईलाका प्रहरी कार्यालय चन्द्रपुरले जनाएको छ।