काठमाडौंमा श्रीमतीको घाटी थिचेर हत्या, आरोपमा श्रीमान पक्राउ

काठमाडौं । काठमाडौंको चौमतीमा श्रीमतीको हत्या गरेको आरोपमा श्रीमान पक्राउ परेका छन् ।

२८ वर्षीया श्रीमती बबिता राईको हत्या गरेको आरोपमा काठमाडौं महानगरपालिका-१६ चौमतीमा डेरा गरी बस्ने नुवाकोट तादी गाउँपालिका-२ सातबिसे घर भएका ३३ वर्षीय श्रीमान रामेश्वर गोतामेलाई बुधबार बिहान प्रहरीले पक्राउ गरेको हो ।

रामेश्वरले मंगलबार राति श्रीमतीलाई घाटी थिचेर हत्या गरेका थिए । । उनलाई महानगरीय प्रहरी वृत्त बालाजुबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।