आज नेकपा एमाले स्थायी कमिटीको बैठक बसेको भन्ने कुरा लज्जास्पद र हास्यास्पद : सुदेश पराजुली

काठमाडौं । माधव नेपाल पक्षीय अनेरास्ववियूका अध्यक्ष सुदेश पराजुलीले एमालेको आइतबार बसेको स्थायी कमिटी बैठक लज्जास्पद र हास्यास्पद भएको बताएका छन् ।  सामाजिक सञ्जालमा लेख्दै अध्यक्ष पराजुलीले आज बसेको बैठक अवैधानिक भन्दै अदालतको आदेशको ठाडो उल्लंघन भएको आरोप समेत लगाए ।

स्थायी कमिटी बैठकले एमाले एकताको लागि थप निर्णय गर्नेका लागि दशौं राष्ट्रिय महाधिवेशन आयोजक कमिटीको बैठक असार १६ गते बोलाएको छ ।

विद्रोही एमालेको विद्यार्थी संगठनका अध्यक्ष पराजुलीले भने अदालतले नै महाधिवेशन आयोजक कमिटीलाई अवैध भएको दावी गर्दै ओलीले जनताको बहुदलीय जनवादवको सिद्धान्तलाई समेत अवमूल्यन गरेको आरोप लगाए ।

पराजुलीले लेखेका छन्, ‘सर्वोच्च अदालतले नेकपा एमालेको जेठ २ गतेअघिको पार्टी संरचनालाई वैधानिकता दिईसकेपछि त्यसलाई ठाडो उल्लंघन र त्यो निर्णयलाई चुनौती दिँदै आज नेकपा एमाले स्थायी कमिटीको बैठक बसेको भन्ने कुरा अवैधानिक साथै लज्जास्पद र हास्यास्पद कुराको कुनै माने राख्दैन । आफैं भ्याकेटमा जाने आफैं न्यायलयको निर्णयलाई अस्वीकार गर्ने ?’