मेलम्चीमा बाढीपहिरोको जोखिम अझै कायमै : स्वास्थ्यमन्त्री तामाङ

काठमाडौँ । स्वास्थ्यमन्त्री शेरबहादुर तामाङले सिन्धुपाल्चोकस्थित मेलम्चीमा बाढीपहिरोको जोखिम अझै कायम रहेको बताएका छन् । हेलिकप्टरबाट निरीक्षण गरेका स्वास्थ्यमन्त्री शेरबहादुर तामाङले पहिरोका कारण खोला थुनिएको बताए ।

उनका अनुसार हेलम्बु गाउँपालिकाको चोक्पुभन्दा ५ सय मिटरमाथि पहिरो गएको र त्यसले खोला थुनिएका कारण मेलम्चीमा बाढी आएको हो । उनले मेलम्ची नदी किनाराको तटीय क्षेत्रमा अझै जोखिम नहटेको बताए। ‘पहिरो खस्ने खोला रोकिने। अनि फेरि खोला बढ्ने भइराखेको छु,’ तामाङले भने, ‘पानी फेरि परे निकै ठूलो जोखिम हुनसक्छ।’