म्यानचेस्टर सिटीका मेहरेज हयाट्रिक गोल गर्दै जित निकाले

लन्डन ।  म्यानचेस्टर सिटीले शनिबार रियाड मेहरेजको ह्याट्रिकमा इंग्लिस प्रिमियर लिगमा  बर्नलीलाई ५–० ले हराएको छ । घरेलु मैदान एतिहाडमा पेप ग्वार्डिओलाको सिटीले बर्नलीलाई पाँच गोलले हराएको यो लगातार चौथोपल्ट हो ।

अल्जेरियाली खेलाडी महेरेजले ६९औं मिनेटमा आफ्नो ह्याट्रिक पूरा गरे । टिमको सुरुआती दुई गोल उनकै नाममा रह्यो । सिटीका लागि बेन्जामिन मेन्डी र फेरान टोरेसले पनि एक–एक गोल गरे ।

सिटीको नौ खेलबाट १५ अंक भएको छ । टोली अझै आठौं स्थानमा रहेको छ । बर्नली भने पाँच अंकसहित लिग तालिकाको पुछारबाट तेस्रो स्थानमा छ ।