काठमाडौं । पञ्चाङ्ग निर्णायक समितिले मंसिर १ गते सोमबार भाइटीका लगाउन हुँदैन भन्नेमा कुनै शास्त्रीय आधार नरहेको जनाएको छ ।
भाइटीकाको दिन दिदीबहिनीको हातबाट टीका लगाउन हुँदैन भन्ने हल्ला निराधार रहेको पञ्चाङ्ग समितिले जनाएको छ ।
विभिन्न कारणले अशुभ रहेको भन्ने अफवाहको पछि नलाग्न आग्रह गरिएको छ । समितिका सदस्य सचिव सूर्य ढुंगेलले विज्ञप्ति जारी गरी विभिन्न कारणले अशुभ योग परेको भनेर भ्रम फैलाइएको कुनै सत्यता नरहेको स्पष्ट पारेका छन् ।
यस वर्षको तिहार मलमासका कारण केही समय पछि सरेको विज्ञप्तिमा उल्लेख छ । भाइटीकाको दिन निर्धक्क भएर भाइटीका लगाउन सबैमा आग्रह गरिएको छ ।
भाइटीकामा दिदीबहिनीले दाजुभाइलाई र दाजुभाईले दिदीबहिनीलाई टीका लगाएर उपहार साटासाट गरी मीठो भोजन ग्रहणका साथ खसी साटासाट गरेर मनाइन्छ ।
प्रतिक्रिया दिनुहोस
सफल खबर संवाददाता
शुक्रबार, २८ कार्तिक २०७७, १५ : ५०
लेखकबाट थप
सम्बन्धित समाचारहरु
भाइटीकाको शुभ साइत ११ :३७ बजे