काठमाडौं । अवैध १६ किलो २५० ग्राम चाँदीका गरहना सहित प्रहरीले दुई जनालाई पक्राउ गरेको छ ।
राजधानीको झोछेमा भन्सार छली चोरी पैठारी गरी सुनचाँदीको अवैध कारोवार हुदै गरेको छ भन्ने विशेष सुचनाको आधारमा पुगेको महानगरीय प्रहरी बृत्त जनसेवाको विशेष टोलीले विरगंज महानगरपालिका वडा नं २ का सुरेश सर्राफ र वडा नं ३ का कृष्णा सर्राफलाई नियन्त्रणमा लिएको हो ।
चाँदीको फेन्सी पाउजु, कम्मरमा लगाउने साडि बोल्ट, चाबी रिङ्ग लगायतका विभिन्न किसिमका गरगहनाहरु खानतलासीका क्रममा बरामद भएको प्रहरीले जनाएको छ । सुरेशको साथबाट नगद ९८ हजार ५०० समेत बरामद भएको जनाइएको छ ।
यसबारे थप अनुसन्धान भइरहेको महानगरीय प्रहरी परिसर काठमाडौंले जनाएको छ ।
प्रतिक्रिया दिनुहोस