काठमाडौं । सत्तारुढ दल नेकपाले उपाध्यक्ष वामदेव गौतमलाई सरकारको सिफारिसमा राष्ट्रपतिले मनोनित गर्ने रिक्त पदमा सचिवालयले सिफारिस गरेको पनि दोश्रो पटक भईसक्यो । १४ फागुन २०७६ मा पहिलो पटक र २०७७ भदौं १८ मा दोश्रो पटक पार्टी सचिवालयले वामदेवलाई राष्ट्रिय सभा सदस्यमा सिफारिस गर्न प्रधानमन्त्रीलाई निर्देशन गरेको थियो ।
पहिलो पटक पार्टीले निर्णय गर्दा निर्णयको माइन्यूट मसि सुक्न नपाउँदै प्रधानमन्त्री ओलीले पार्टी निर्णय मान्न आफु बाध्य नहुने बताएका थिए । त्यसपछि उनले पार्टी निर्णय कार्यान्वयन नै गरिदिएनन् । पूनः वामदेव गौतमले मेरो निर्णय के हो ? भन्दै प्रधानमन्त्रीलाई सोध्नुपर्ने र पार्टीका कार्यकारी अध्यक्ष प्रचण्डले निर्णय कार्यान्वयन गर्न प्रधानमन्त्रीलाई पटक पटक भनेपछि ओली १८ भदौंको सचिवालयमा आफै अग्रसर भएर पार्टी निर्णय कार्यान्वयनको चरणमा सरकार रहेको बताएका थिए ।
ओलीले भदौं १८ मा गौतमको पक्षमा आफै अगाडी सरेर नबोलेका भए पार्टीभित्र उनी फेरि अप्ठयारोमा पर्न सक्थे । तर उनले त्यही अप्ठयारो बाहिर देखाउन नचाहेरै आफैले गौतमको निर्णय कार्यान्वयनकै क्रममा रहेको बताएका हुन् । तर उनी आफैले अन्तिम चरणमा रहेको बताएपनि यो १० दिनको बीचमा उनले निर्णय कार्यान्वयन गरेका छैनन् । यो बीचमा एकपटक मन्त्रिपरिषद्को बैठक बसेको छ ।
तर त्यो बैठकमा ओलीले गौतमको राष्ट्रिय सभा सिफारिस प्रस्ताव छलफल मै लगेनन् । मात्र अर्थमन्त्रीबाट विदाई हुदै गरेका निर्वतमान अर्थमन्त्री डा. युवराज खतिवडाको गुणगान र उनको सम्बोधनमै मन्त्रिपरिषद्को मुख्य समय ब्यतित गरे । त्यसयता ओलीले क्याबिनेट बैठक राखेका छैनन् । शुक्रबार राख्न खोजेको बैठक पार्टी बैठकका कारण स्थगित गरिएको थियो ।
आज साँझ क्याबिनेट बैठक बस्दैछ । अब के ओलीले गौतमलाई राष्ट्रिय सभा लैजाने प्रस्ताव अगाडी बढाउलान त ? अहिले नेकपाका नेताहरु यही प्रकरणमा के गर्लान् ? कुरेर बसेका छन् । ओलीले उनको सिफारिसमा किन ढिलाई गरिरहेका छन् ? यो भने बुझिनसक्नु भएको छ ।
गौतमले राष्ट्रिय सभा सदस्यसँगै आफुलाई सरकारको सहयात्री नै बनाउन प्रधानमन्त्री ओलीसँग माग गरेका कारण पनि ओलीले उनलाई तत्काल केही समय राष्ट्रिय सभा लैजान ढिलाई गरेको हुनसक्ने अड्कलबाजी हुन थालेको छ । तर अध्यक्ष प्रचण्डले पटक पटक ओलीलाई छिटो गौतमको राष्ट्रिय सभा सदस्यमा मनोनयनका लागि सिफारिस गर्न दबाब बढाएपछि ओलीले आजको क्याबिनेटमा प्रस्ताव लैजान सक्ने अनुमान गरिएको छ ।
प्रतिक्रिया दिनुहोस
सफल खबर संवाददाता
सोमबार, २९ भदौ २०७७, ०८ : ४७
लेखकबाट थप
सम्बन्धित समाचारहरु
ओली, देउवा र प्रचण्ड एकैठाउँमा
चैत २० मा ओली थाइल्याण्ड जाने, मोदीसँग भेट्न प्रयास
देउवा, ओली र प्रचण्डबिच छलफलको तयारी
राजनीतिमा सक्रियता बढाउँदै पूर्वराष्ट्रपति भण्डारी, छेक्ने दाउमा ओली
नेपाली राजदूत ओलीले बुझाए चिनियाँ राष्ट्रपति सीसमक्ष ओहदाको प्रमाण पत्र
ओलीलाई बीआरआई परियोजना स्वीकार्न माधव नेपालको सुझाव