वीरगञ्जमा एकैदिन १३३ जनालाई कोरोना संक्रमण पुष्टि

वीरगञ्ज । वीरगञ्जमा कोरोना संक्रमणको दर उच्च छ । वीरगञ्जमा बुधबार एकैदिन १३३ जनालाई कोरोना संक्रमण देखिएको छ ।

नारायणी अस्पतालको प्रयोगशालामा गरिएको परीक्षणमा उनीहरूमा संक्रमण पुष्टि भएको हो । संक्रमितमध्ये १७ जना बारा जिल्लाका र बाँकी सबै पर्साका जिल्लाका छन्। उनीहरू ८ वर्षदेखि ७४ वर्षसम्मका छन्। पर्सामा बुधबार नै दुई जना कोरोना संक्रमितको मृत्यु भएको छ।

स्वास्थ्य मन्त्रालयले वीरगन्जका लागि भनेर स्वास्थ्य विभागका महानिर्देशक डा दीपेन्द्ररमण सिंह नेतृत्वको उच्चस्तरीय टोली खटाएको छ।