प्रचण्ड ओलीको तीन घन्टा छलफल, नयाँ प्रगति भएन

काठमाडौँ । प्रधानमन्त्री एवम् नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’ बीच आज बालुवाटारमा तीन घन्टा छलफल भएको छ । छलफलबाट कुनै नयाँ प्रगति आएको छैन । 

भेटको क्रममा केके विषयमा छलफल भयो भन्ने विषयमा केही खुलाइएको छैन । पार्टीमा देखिएको विवाद समाधानका लागि उनीहरूबीच मंगलबार पनि छलफल भएको थियो।  

कुनै नयाँ प्रगति नभएपछि आजको लागि भेटवार्ता भएको हो, आजको भेटवार्ताले पनि दुई अध्यक्षबीच सहमति हुन सकेको छैन । दुबै अध्यक्ष आ–आफ्नो अडानमा रहेका छन् । 

प्रधानमन्त्रीको सरकारी निवास बालुवाटामा दुई अध्यक्षबीच हिजो अस्तिकै निरन्तरता स्वरुप छलफल भएपनि कुनै निष्कर्षमा नपुगेको अध्यक्ष प्रचण्डका प्रेस संयोजक विष्णु सापकोटाले जानकारी दिए ।