काठमाडौं । विश्व भरि नै फैलिएको कोरोना भाइरसको महामारीबाट अहिले सम्म विश्वमा २ लाख ४४ हजार ७ सय ७८ जनाको मृत्यु भएको छ । ३४ लाख ८४ हजार १ सय ७६ जना संक्रमित छन् । ११ लाख २१ हजार ५ सय २४ जना उपचार पछि निको भएका छन् ।
यो भाइरसले सबैभन्दा बढी अक्रान्त बनाएको अमेरिकामा भने अहिले सम्म ६७ हजार ४ सय ४४ जनाको मृत्यु भएको छ । ११ लाख ६० हजार ७७४ जनालाई संक्रमण भएको छ । हिजो शनिवार मात्रै २९ हजार ७ सय ४४ जना नयाँ संक्रमित थपिएका छन् भने १ हजार ६ सय ९१ जनाको मृत्यु भएको छ ।
अमेरिकामा १६ हजार ४ सय ७५ जनाको स्वास्थ्य अवस्था गम्भीर रहेपनि १ लाख ७३ हजार ७ सय २५ जना उपचार पछि निको भएर घर फर्केका छन् । अहिले सम्म ९ लाख १९ हजार ६०५ जनामा संक्रमणको प्रकोप रहेको छ । अमेरिकाकै इपिसेन्टरको रुपमा रहेको न्युयोर्कमा २४ हजार ३ सय ६८ जनाको मृत्यु भएको छ भने ३ लाख १९ हजार २ सय १३ जनालाई संक्रमण भएको छ ।
प्रतिक्रिया दिनुहोस