कावासोतीमा नेपाली सेना चढेको बस दुर्घटना, १७ जना घाइते

कावासोती । कावासोतीमा नेपाली सेना चढेको बस दुर्घटना भएको छ । दुर्घटनामा परी १७ जना घाइते भएका छन् । बसमा ४० जना सवार थिए ।

सुर्खेतबाट काठमाडौं जाँदै गरेको नेपाली सेनाको टोली सवार ना ६ ख ४०४ नम्बरको बस शनिबार बिहान ३ बजेतिर पूर्वी नवलपरासीको कावासोती-३ पुरानो कावासोती बजारमा  दुर्घटनामा परेको हो ।
नेपाली सेनामा भर्ना छनौट भएर थप तालिमका लागि काठमाडौं जाँदै गरेकाहरु दुर्घटनामा परेका हुन् । बस अनियन्त्रित भएर सडकबाट तल खसेको छ । 

दुर्घटनामा घाइते भएकोमध्ये प्रेमबहादुर खत्री र विरेन्द्र शाहीको अवस्था गम्भीर छ । उनीहरुलाई थप उपचारका लागि चितवन पठाइएको छ ।

अन्य घाइतेहरुको मध्यविन्दु जिल्ला अस्पताल र कालीगण्डकी अस्पतालमा उपचार भइरहेको छ ।