भरतपुरमा ब्ल्याक फरेस्टको सातौ शाखा शुभारम्भ

चितवन । ब्ल्याक फरेस्टको सातौ शाखा भरतपुर १० हाकिमचोकमा सातौ शाखा शुभारम्भ गरिएको छ । उद्योग वाणिज्य संघ चितवनका अध्यक्ष सहनलाल प्रधानले शाखाको शुभारम्भ गर्नुभएको हो । 

व्ल्याक फरेस्टका सञ्चालक प्रमेससिं क्षेत्रीले बुटवल, भैरहवा र नारायणगढपछि भरतपुरको हाकिमचोकमा पनि व्ल्याक फरेस्ट बेकरी चेन शुभारम्भ गरिएको बताउनुभयो । शुभारम्भ कार्यक्रममा विशिष्ट अतिथि भरतपुर १० का वडाध्यक्ष अरुणपीडित भण्डारी, डिष्ट्रिक गर्भनर लायन राजकुमार श्रेष्ठले सफलताको शुभकामना दिएका थिए ।

व्ल्याक फरेस्टको भरतपुर हाकिम चोक शाखामा गुणस्तरीय केक, ब्रेड, आइसक्रिम, पिजा, कफीलगायतका सामग्री पाइने व्यवस्थापक हरिकृष्ण ठकुरीले जानकारी दिनुभयो । उहाँले व्ल्याक फरेस्ट भरतपुर हाकिमचोकको शुभारम्भ कार्यक्रमको सञ्चालन गर्नुभएको थियो । कार्यक्रममा अतिथिहरुलाई मायाको चिनो वितरण गरिएको थियो ।