चितवन । चितवनको पर्यटकीय नगरी सौराहामा जंगल सफारीलाई लक्षित गरि नयाँ १४ सिट क्षमता नै कायम भएको जीप लञ्च गरिएको छ । फोर्स व्राण्डको गाडी बिक्रीवितरण गर्दै आएको आयाम ईन्टरकन्टीनेन्टल प्रा.लिले ट्रायक्स च्यालेन्जर मोडलको जंगल सफारी जीप लञ्च गरेको हो ।
पर्यटन बर्ष २०२० लाई लक्षित गरि जंगल सफारी गर्ने पर्यटकहरुको सुविधाका लागि चितवनमा सफारी जीप बिक्रि सुरु गरेको फोर्स मोर्टस्को चितवनको लागि आधिकारिक बिक्रेता रेयन मोर्टस्का प्रबन्ध निर्देशक यज्ञप्रसाद पौडेलले जानकारी दिए ।
सौराहाको होटल रेन फेरेष्टमा एक समारोहका बिच क्षेत्रिय होटल संघ नेपाल चितवनका अध्यक्ष सुमन घिमिरे र हिमालनय अर्गनाईजेसनका अध्यक्ष धुव्र थापाले संयुक्त रुपमा जीप स्टाट गर्दै लञ्च गरेका थिए ।
हिमालनय अर्गनाईजेसन अन्र्तगत नै रहेको आयाम ईन्टरकन्टीनेन्टलले बिक्रि वितरण गर्ने यस जीपको लन्चिङ्गको अवसरमा एक सातालाई ५ लाख रुपैयाँ छुट गर्ने घोषण अध्यक्ष थापाले सो अवसरमा गरेका थिए । उनले ३५ लाख रुपैयाँ मुल्य कायम गरिएको यो जीप जंगल सफारीकै पहिलो पटक नेपाल सरकारको यातायात विभागबाटैँ १४ सिट कायम भएको जानकारी समेत गराए ।
सोही अवसरमा बोल्दै प्रमुख अतिथि समेत रहेका क्षेत्रिय होटल संघका अध्यक्ष घिमिरेले जंगल सफारीका लागि यो जीप उत्कृष्ट रहेको भन्दै सिट कायम भएर आएको हुदाँ व्यवसायी र पर्यटकहरुलाई समेत थप सुविधा बनेको तर्क गरे ।
यसअघि सौराहामा सञ्चालनमा रहेका जीपमा सिट क्षमता कायम नहुदाँ व्यवसायी तथा पर्यटकहरु समस्यामा पर्दै आएका थिए ।
रेयन मोर्टस्ले विगत ३ बर्षदेखि चितवनमा फोर्स मोट्र्सको ट्रायक्स कुजर, ट्रायाक्स कार्गोकिङ, ट्राभलर मिनि बस, एम्बुलेन्ससगैँ स्कुल तथा व्यवसायिक प्रयोजनका लागि प्रयोग हुने मिनिबस समेत बिक्रि वितरण गर्दै आएको छ । सेल्स्, सर्भीस् र पाट्र्सलाई एकै ठाउँमा उपलब्ध गराई रेयनले ग्राहकवर्गहरुलाई विश्वसनिय सेवा दिदै आएको छ ।
कार्यक्रममा नै पहिलो पटक फोर्स यो जीप लिने सौराहाका व्यवसायीहरु रोजनाथ पाठक, विष्णु थापा, दिपेन्द्र श्रेष्ठ र राजकुमार भारतीलाई सम्मान गरिएको थियो ।
सौराहामा मात्र १ सय बढीको सय भन्दा बढी जीप सञ्चालनमा रहेका छन् ।
प्रतिक्रिया दिनुहोस
सफल खबर संवाददाता
शनिबार, १४ भदौ २०७६, २१ : ४१
लेखकबाट थप