पोखरा । दिउँसो करिब १ बजे सेती नदिमा हाम फालेर एकजना बेपत्ता भएका छन् ।
हाम फालेर बेपत्ता हुनेमा कास्की माछापुच्छ्रेस्थित भुर्जङखोका स्थानीय राजकुमार घर्ती रहेको जिल्ला प्रहरी कार्यालय कास्कीले जनाएको छ ।
जिल्ला प्रहरी कार्यालय कास्कीका प्रमुख दानबहादुर कार्कीका अनुसार हामफाल्नुको कारण भने अझैसम्म खुल्न सकेको छैन ।
‘हाम फाल्नुको कारण अझैसम्म खुल्न सकेको छैन्,’ उनले भने, ‘अनुसन्धान हुँदैछ ।’
स्थानीयले खवर गरेपछि प्रहरीले खोजी सुरु गरेको उनले बताए । हाम फाल्ने घर्तीलाई अझैसम्म फेला पार्न नसकेको प्रहरीले जनाएको छ ।
प्रतिक्रिया दिनुहोस
सफल खबर संवाददाता
आइतबार, २२ असार २०७६, २० : १५
लेखकबाट थप