यस्तो बन्दैछ त्रिवि मैदानमा प्यारापिट, (तस्बिरहरू)

काठमाडौँ ।  कीर्तिपुरस्थित त्रिभुवन विश्वविद्यालय क्रिकेट मैदानको प्यारापिट निर्माण र फ्लडलाइट जडानको काम धमाधम भइरहेको छ । फाल्गुन २० गते शुभ साइत गरेर निर्माणको काम प्रारम्भ गरिएको थियो ।

बीकेओआई-केसीडिसी-बीजी जेभीले मैदानको प्यारापिट बढाउने गरी ४३ करोड ७७ लाख ३० हजार ११३.०३ मा ठेक्का पाएको थियो । उक्त जेभीले साइत हेरेर पूजा गरी प्यारापिट बढाउने कार्यको सुरुवात गरेको हो । 

सहरी विकास मन्त्रालयले २०८२ वैशाख २४ गते भित्र कीर्तिपुर क्रिकेट मैदानमा प्यारापिट निर्माण र फ्लडलाइट जडान कार्य सम्पन्न गर्ने बताएको छ । कम्पनीले समयमा काम सम्पन्न गर्न ३ सिफ्टमा काम भइरहेको बताएको छ । 

केही समयअघि उपप्रधानमन्त्री एवम् सहरी विकास मन्त्री प्रकाशमान सिंह र खेलकुद मन्त्री तेजुलाल चौधरीले कीर्तिपुरमा निर्माणाधीन प्यारापिटको अवलोकन गरेका छन्।