‘सरकारको कामको गति पुगेन’: गगन थापा

काठमाडौँ । नेपाली काँग्रेसका महामन्त्री गगनकुमार थापाले सरकारले कामको गति लिन नसकेको बताएका छन् ।

नेपाली काँग्रेस गुल्मीको तेस्रो जिल्ला अधिवेशनलाई मंगलबार सम्बोधन गर्दै महामन्त्री थापाले यस्तो बताएका हुन् ।

‘कामको गति मिलिरहेको छैन । सरकार जुन गतिमा जानुपर्ने हो, गति भएन, गति पुगेन । म जुन ठाउँमा बसेर काम गरिरहेको छु, एउटा संयन्त्रमा बसेर काम गरिरहेको छु, त्यो संयन्त्रभित्र भन्ने कुरा पनि यही हो, बाहिर भन्ने कुरा पनि यही हो । यो गतिले पुग्दैन, म पार्टीका सभापतिलाई पनि त्यही कुरा भनिरहेको छु । प्रधानमन्त्रीलाई पनि त्यही कुरा भनिरहेको छु ।’