ट्रम्प र जेलेन्स्कीसँग फ्रान्सेली राष्ट्रपति म्याक्रोनको फोन

एजेन्सी । फ्रान्सेली राष्ट्रपति इमानुएल म्याक्रोनले अमेरिकी राष्ट्रपति डोनाल्ड ट्रम्प र युक्रेनी राष्ट्रपति भोलोडिमिर जेलेन्स्कीसँग फोनमा कुरा गरेका छ ।

कुराकानीबारे सामाजिक सञ्जाल एक्समार्फत् जानकारी दिँदै उनले आफूहरूले युक्रेनमा दिगो शान्ति चाहेको बताएका छन् । यसका लागि रुसले आक्रामकता त्याग्नुपर्ने उनको भनाइ छ । 

राष्ट्रपति म्याक्रोनले ट्वीटरमा लेखेका छन्, ‘हामी युक्रेनमा दिगो शान्ति चाहन्छौं । यो हासिल गर्न रुसले आक्रामकता त्याग्नुपर्छ । युक्रेनी जनताको सुरक्षाको बलियो र विश्वसनीय ग्यारेन्टी हुनुपर्दछ। अन्यथा यो युद्धविराम मिन्स्क सम्झौताजस्तै टुङ्गिने खतरा छ ।'