स्ववियु निर्वाचन तयारीमा जुट्न लोविसंघद्वारा परिपत्र जारी

काठमाडौ । स्वतन्त्र विद्यार्थी युनियनको निर्वाचनलाई मध्यनजर गर्दै लोकतान्त्रिक विद्यार्थी संघ (लोविसंघ)ले तयारीमा जुट्न परिपत्र जारी गरेको छ ।

लोकतान्त्रिक समाजवादी पार्टी नेपालनिकट लोविसंघका केन्द्रीय महासचिव सुमन कुमार यादवले परिपत्र जारी गर्दै स्ववियु निर्वाचनकेन्द्रित सक्रिय गतिविधि, कमिटी गठन÷पुनर्गठन गरी साथै सम्भावित उम्मेद्वारको सूचिसहित सम्पूर्ण विवरण १५ दिनभित्र केन्द्रीय कार्यालयमा पठाउन सम्पूर्ण प्रदेश, जिल्ला, नगर क्याम्पस इकाई कार्यसमितिहरुलाई निर्देशन दिएका हुन् ।

साथै, महासचिव यादवले प्रस्तावित स्वतन्त्र विद्यार्थी युनियनको निर्वाचनलाई मध्यनजर गर्दै क्याम्पस इकाईसँग समन्वयन गरि स्ववियु निर्वाचन केन्द्रित हुन आग्रह गरेका छन् ।

त्रिभुवन विश्वविद्यालय विद्यार्थी कल्याण तथा खेलकुद परिषदले आगामी चैत ५ गते स्वतन्त्र विद्यार्थी युनियनको निर्वाचन सम्पन्न गर्ने प्रस्ताव गरेको छ ।