गायक हेमन्त शर्माको नयाँ गीत सार्वजनिक

काठमाडौं । गायक हेमन्त शर्माले नयाँ गीत 'नम्बरी सुन हो नि म त' सार्वजनिक गरेका छन्। बुधबार बिहान सार्वजनिक गीतमा हेमन्त र गायिका शान्तिश्री परियारको स्वर छ। मायाप्रेममा आधारित गीतमा युवायुवतीबीचको प्रेमिल भाव प्रस्तुत गरिएको छ। 

गीतको शब्द र संगीत हेमन्तकै हो भने कृष्ण विके (भान्जा) ले एरेन्ज गरेका हुन्। भिडिओमा हेमन्तसहित डोना थापा मगर, जुना विश्वकर्मा, अरूण थापा मगर लगायतको अभिनय छ।

मौसम हिमालीको कोरियोग्राफी र निर्देशनमा भिडिओ बनेको हो। वुद्ध थापा र टिमको छायांकन रहेको भिडिओलाई अमृत चापागाईंले सम्पादन गरेका हुन्।हेमन्तले 'आउँथ्यो दसैं' ल्याएको ४ महिनापछि नयाँ अफिसियल गीत 'नम्बरी सुन हो नि म त' ल्याएका हुन्।