काठमाडौं । सञ्चार तथा सूचना प्रविधि मन्त्री पृथ्वीसुब्बा गुरुङले सहकारी ठगी प्रकरणमा संलग्न सबै माथि छानबिन हुने स्पष्ट पारेका छन् । बुधबार काठमाडौंमा आयोजित तमु पत्रकारिता पुरस्कार वितरण कार्यक्रममा बोल्दै उनले सहकारी ठगीमा संलग्नलाई कुनै दलमा आबद्ध भएको कारण छाड्न नसकिने बताए । रास्वपाका नेतालाई मात्रै सहकारी प्रकरणमा कारवाही गर्यो भन्नु गलत भएको उनको भनाइ छ ।
गुरुङले राज्यले गर्ने छानविनलाई सवैले सहयोग गर्नुपर्ने र अदालतको आदेशलाई सवैले पालना गर्नुपर्नेमा जोड दिए । छानविनलाई नै प्रभाव पार्ने काम गैरकानूनी भएको उनले बताए ।
सरकारका प्रवक्ता समेत रहेका गुरुङले सहकारी सम्बन्धी अध्यादेश ल्याउन राष्ट्रपतिसमक्ष सिफारिस गर्ने निर्णय मंगलबारको मन्त्रिपरिषद् बैठकले गरेको जानकारी दिए।त्यस्तै उनले मुलुकको सुरक्षा, आर्थिक विकास समृद्धिको लागि सरकारले काम गरिरहेको धारणा राखे । एआईको प्रयोग सम्बन्धी नीति ल्याएर त्यस लगत्तै कानुन निर्माण गर्ने जानकारी दिए । आफ्नो कार्यकालमा नेपालको सञ्चार र सूचना प्रविधिको क्षेत्रमा व्यवस्थित परिस्थिति निर्माण गरेर छाड्ने उनको भनाइ छ ।
सूचना पाउनु हरेक नागरिकको आधारभूत अधिकार भएको बताउँदै उनले सूचनाको अधिकारलाई कुनै पनि अवस्थामा कुण्ठित गर्नु नहुने बताए ।
प्रतिक्रिया दिनुहोस
सफल खबर संवाददाता
बुधबार, १० पुस २०८१, १४ : ४१
लेखकबाट थप
सम्बन्धित समाचारहरु
भावनामा बगेर दोहोरो नागरिकता दिन हुँदैन : सञ्चारमन्त्री गुरुङ
राष्ट्रको हितमा रहेकाले सबै अध्यादेश पारित हुन्छन् : सञ्चारमन्त्री गुरुङ
सामाजिक सद्भावका लागि सामाजिक सञ्जालको नियमन आवश्यक छ : मन्त्री गुरुङ
वीरेन्द्र वा ज्ञानेन्द्रको ठाउँमा ओली, देउवा र ‘प्रचण्ड’ आउनु क्रान्ति होइन : सञ्चारमन्त्री गुरुङ
कोमामा रहेको अर्थतन्त्रलाई आइसियुमा फर्काएका छौँ, छिटै लयमा फर्किनेछः सञ्चारमन्त्री गुरुङ
जनताले अनुभूत गर्ने गरी सरकार काममा जुटेको छ: सञ्चारमन्त्री गुरुङ