सुर्खेतको देउती बज्यै मन्दिरकी पुजारी मृत फेला

काठमाडौँ । सुर्खेतको देउती बज्यै मन्दिरकी पुजारी मृत फेला परेकी छन् । ५० वर्षीया पुजारी सरस्वती राजीको आज बिहान मन्दिरको ढोकामा झुण्डिएको अवस्थामा शव भेटिएको जिल्ला प्रहरी कार्यालय सुर्खेत प्र.उ.रुपेश खड्काले बताए ।

खड्काका अनुसार बिहान पुजारी मृत फेला परेको जानकारी स्थानीयले दिएका थिए । त्यसपछि प्रहरी टोली पुगेर मुचुल्का उठाएको थियो । मृतकको शव पोष्टमार्टमका लागि प्रदेश अस्पताल पठाइएको खड्काले जानकारी दिए । खड्काले भने, ‘अहिलेसम्म शंकास्पद केही देखिएको छैन । मृत्युको कारण पोस्टमार्टम रिपोर्टपछि थाहा होला ।’

घटनाबारे थप विवरण आउन बाँकी छ । अहिले मन्दिरमा पूजा रोकिएको छ ।