कुलमानलाई ऊर्जा मन्त्रालयको थप स्पष्टीकरण

काठमाडौँ । ऊर्जा, जलस्रोत तथा सिँचाई मन्त्रालयले नेपाल विद्युत् प्राधिकरणका प्रबन्ध निर्देशक कुलमान घिसिङलाई समयमा मागेको विवरण नदिएको भन्दै पूरक स्पष्टीकरण सोधेको छ।

असोज २२ गते सोधिएको १५ बुँदे स्पष्टीकरणको जवाफ नआएपछि तिहारअघि नै थप ६ बुँदे पूरक स्पष्टीकरण सोधिएको मन्त्रालय स्रोतले प्रशासनलाई जानकारी दिएको छ ।प्राधिकरणसँग पछिल्ला ४ वर्षका ठेक्का लगायतका विवरण १५ दिनभित्र (कात्तिक ८ गते) बुझाउन भनिएको थियो। तर, घिसिङले चाडपर्वका कारण विवरण सङ्कलन गर्न नसकेकाले भन्दै थप समय मागे पनि सो भित्रसमेत जानकारी उपलब्ध नगराएसँगै थप स्पष्टीकरण सोधिएको जनाइएको छ ।